- Ouditering
- Rekeningkundig
- Belastingnakoming
- Boedels en Trusts
- Besigheidskonsultasie
- Maatskappy-Sekretarieel
- BreËbasis Swart Ekonomiese Bemagtiging
- Belastingkonsultasie
- Interne Oudit
- IFRS-Konsultasie en -Opleiding
‘n Mens hoor elke dag van korporatiewe mislukkings, wanbestuur, verbreking van vertrouensverhoudings, bedrog en korrupsie en ‘n mens besef dat pro-aktiewe optrede essensieel is. As u bekommerd is dat van hierdie bedreigings in u onderneming kan posvat, lees asseblief verder. Ons is in staat om u vrese te besweer.
Risikobestuur-, interne ouditering- en korporatiew-beheerdienste is kritiese prosesse en moet op ‘n hoogs professionele wyse bedryf word. LDP verseker dus dat al sy dienste gerig word deur die professionele standaarde van die "Institute of Internal Audit (IIA)" en die "King report on Corporate Governance". Ons dienste is nie alleen koste-effektief nie - ons voeg ook waarde toe deur globale standaardvergelykings deur Polaris International. LDP bied u ons kennis van die nuutste internasionale ontwikkelings en verskaf toegang tot ‘n mandjie van gespesialiseerde vaardighede wat toepaslik is in spesifieke opdragte, bv
- verbetering in interne beheer
- rekenaarversekeringdienste
- prestasie-oudits.
Interne ouditdienste
LDP help u om ‘n interne ouditfunksie, wat dinamies en gevoelig teenoor die behoeftes van u organisasie is, te skep en te onderhou.
Die dienste is:
- stig van ‘n nuwe interne ouditafdeling
- Ons verskaf voorligting tov die risikoplan, hulpbronne en tydsberekening. Ons kan u bystaan in die werwing of assessering van hoof-oudit-uitvoerende amptenare of professionele ouditeurs.
- mede-kontraktering of volle uitkontraktering
- Ons voorsien u van hoogs-opgeleide en doeltreffende professionele bestuurs- en ander personeel. Ons onafhanklike oorsigte word met die bestuur en die ouditkomitee bespreek en die opvolg van die bevindings lei tot die verbetering van die besigheid.
- kwaliteitsoorsigte
- Ons sal u interne ouditfunksie assesseer en u adviseer tov alle tekortkominge.
- opleiding en kapasiteitsuitbouing
- Ons stel ‘n opleiding- en kapasiteitsplan op en sal die nodige opleiding in-huis, indien nodig, verskaf. Ons kan die voordele vir die ouditkomitee maksimeer deur aktiewe deelname, behoorlike strukturering en die ontwikkeling van ‘n duidelike mandaat.
Risikobestuur
Risikobestuur het ontwikkel vanaf die blote identifikasie van risiko's na ‘n geïntegreerde entiteitswye risikobestuursproses. Dit is nie meer die verantwoordelikheid van die bestuur alleen nie, maar die volle Direksie en personeel is betrokke. Risiko's is baie keer uniek aan u besigheid en ‘n generiese risikobenadering is duur, daarom stel ons voor dat u u eie risiko's en response daarop vasstel.
Die dienste is:
- identifisering van strategiese en operasionele risiko's
- Dmv ‘n werkswinkel of individuele onderhoude kan ons ‘n risikoprofiel vir u besigheid fasiliteer en opstel. Ons kennis en ervaring van die industrie laat ons toe om u besigheid se risiko's te vergelyk met bekende bedreigings in die industrie.
- risikobeleide en ‘n ondernemingsrisiko-raamwerk
- (Ons sal die beste praktyke vir u spesifieke besigheid identifiseer en u eie beleide en risikoprosedures ontwerp.
- deurlopende monitering
- Ons lei u tov watter risko's om te moniteer en hoe om hierdie risiko's op ‘n deurlopende grondslag te bestuur, bv deur dit op die Bestuursagenda te plaas. Ons sal u ook bystaan tov die implementering van sagteware-oplossings.
- vestiging van ‘n nuwe risiko-afdeling
- Ons lei u itv die besigheidsplan, die kapasiteitsplan en die posbeskrywings van die hoof-risiko-beampte en personeel.
- opleiding en kapasiteitsuitbouing
- Ons verskaf vanaf halfdag- tot tweedagopleidingsessies.
Korporatiewe Beheerdienste
Goeie korporatiewe beheer is vandag ‘n kritiese element in die oorlewing van enige besigheid. King III voorsien uitstekende voorligting - konferensies en seminare word oor hierdie aspek aangebied.
Die dienste is:
- assessering van u huidige praktyke
- Ons assesseer in watter mate u organisasie en Direksie die Beste Beheerspraktyke toepas en ons lewer ‘n omvattende evaluasieverslag.
- opleiding en kapasiteitsuitbouing
- Ons verskaf vanaf halfdag- tot tweedagopleidingsessies.
- bedrogvoorkomingsplanne
- etiek- en reputasie-oorsigte.
Algemeen
Ons sal dit waardeer om u te ontmoet of om ‘n aanbieding by u ouditkomitee-vergadering te doen. Kontak asseblief vir Richard Rhoda per e-pos of by +27 (21) 888 5600.
|
